Нащива предсидателя Шветового Конгресу Українцох

У рамикох своєй турнеї организованей пре отримованє контактох з дияспору , концом фебруара и початком марта мешаца , предсидатель Шветового Конгресу Українцох Евгений Чолїй нащивел Зєдинєни Арапски Емирати , Белгию , Австрию , Словацку и Сербию. У Сербиї пребувал 5. и 6. марта , дзе ше стретнул з представителями державних органох , як и з представителями греко-католицкей церкви , представителями Українскей и Русинскей националней ради , активистами Союзу Руснацох Українцох Сербиї , як и з представителями здруженьох гражданох.

Треба натпомнуц же Шветови Конгрес Українцох облапя мрежу организацийох українскей/русинскей дияспори у 53. жемох, а котра облапя коло 20 милиони особи . Шветови Конгрес Українцох член Економскей и социялней ради Организациї Зєдинєних Нацийох. Прето пан Евгений Чолїй дня 27. фебруара того року у Бриселу , Белгия , вжал учасц на зашеданю Европского парламенту , дзе мал вецей стретнуца з функционерами Европскей Униї.

Представителє Союзу ше од початку 90. рокох прешлого столития вецей раз стретали з предсидателями ШКУ , и то з Юрийом Шимком , Асколдом Лозинским ,як и з Евгеном Чолїйом.При першим стретнуцу з предсидательом Юрийом Шимком , у Києву , вєдно з представителями Союзу руснацох и українцох Горватскей , догваряло ше коло помоци настрадалим и виселєним жительом русинскей и українскей народносци при познатих подїйох у Вуковаре , Петровцох , Миклошевцох итд.

Таки нащиви представляю за нашу русинску заєднїцу у Сербиї моралну и политичну потримовку , бо таки акциї указую же нас українска дияспора прилапює як часц своєй дияспори , так же и стого боку можеме обчековац кажду можлїву потримовку за медисобне сотруднїцтво у обласци култури , образованя , информованя итд. Исто так, то за нас представя и виход з изолациї котрей зме були виложени як далєка и заварта енклава , пре териториялну удалєносц пре , до нєдавно , нєдостаток медзисобного контактованя и информованя , як и пре вецей други причини.

Богдан Виславски

Залишити відповідь

Ваша e-mail адреса не оприлюднюватиметься. Обов’язкові поля позначені *